माझ्या साजणा

काळ्या ढगात दडलेल्या

अजाण माझ्या साजणा

वाट काढ अभाळूतुनी

आस लागली जिवाला

रिमझिम सरीत भासणाऱ्या

अबोल माझ्या साजणा

बोल हळूच गालातूनी

ऐकू येऊ दे श्रावणाला

डोंगर-नदीतून वाहणाऱ्या

संथ माझ्या साजणा

होवो शेवट तुझ्या प्रवासाचा

फक्त माझ्याच किनाऱ्याला

पाना-फुलात बहरणाऱ्या

सुहासिक माझ्या साजणा

दे उधळूनी गंध सारे

तृप्त होवूदे मनाला

कट्या-कुत्यात रुतलेल्या

जखमी माझ्या साजणा

घाव भरुनी काढीन मी

शोध मार्ग तू मोकळा

सागरात हरवलेल्या

भयाण माझ्या साजणा

लाव किनारी तू नाव

तेव्हाच सुख येईल नयनांना

- सहवासातल्या तुला

Image Credit  

Timothy Kolczak